Neuadd Bentref Llangoed yw un o'r neuaddau mwyaf ar yr ynys.
Fe'i hadeiladwyd gan bobl Llangoed yn 1910 am y swm o £1,500. Rhoddwyd arian yn hael gan y cyhoedd gyda rhoddion sylweddol gan deulu Chadwick o Haulfre a theulu Massey Cornelyn. Gellir gweld eu cerrig coffa bob ochr i fynedfa'r neuadd. Hefyd y tu mewn i'r neuadd mae placiau pres i rai a fu farw o'r Rhyfel Byd Cyntaf a'r Ail Ryfel Byd. Ar un adeg roedd 3 cwrt tennis ar dir y Neuadd.